Match khel tam ber Maciel

Brazilian goalkeeper Fabio Deivson Lopes Maciel chuan England international hlui Peter Shilton-a record a khum a, tunah chuan football competitive match khel tam ber a ni ta.

Maciel-a khelh mekna Fluminense tarlan dan chuan, kum 44 mi Fabio hian Copa Sudamericana last 16-a America de Cali 2-0 a an hneh ṭum khan match 1391 a khel tling ta chiah a, tun hma lama recod lo ding tawh match 1390 chu a rawn khum ta chiah.

Fabio hian kum kum 1997 aṭang khan professional match a khel ṭan, hetih chhung hian Uniao Bandeirante, Atletico Paranaense, Vasco da Gama, Cruzeiro leh Fluminense tan te a khel tawh.

Fluminense tan bik hian match 235 a khel tling tawh a, club pakhata tana a khelh tam sak ber chu Cruzeiro niin kum 2005 aṭanga kum 2022 inkar khan match 976 a khelhsak hman a ni.

Guinness Book of Records-a a inziah dan chuan, record hmasa chelhtu Shilton hian match 1390 a khel, ama insawi dan chuan match 1387 a khelhsak thung a, mimal inchhal dan erawh khawvelin a pawmpui dan a ni lo thung.