Gauff khumtu Swiatek

Women's Tennis Association (WTA) chuan world ranking thar an ti chhuak a, number 3 a awm Iga Swiatek chuan a chunga mi Coco Gauff khumin pahnihna dinhmun a luah - US Open an khelh hunah an ranking hi hman tlang tawh tur a ni ang.

Cincinnati Open khelh zawh takah khan Swiatek hi a champion a, nikuma hun harsa a paltlang hnuah a khel ṭha chho leh mek tawh a ni. Wimbledon champion a nih hnu lawkah hard court inelnaah a hlawhtling zui leh, a boruak a sang chho hle.

US Open draw an neih hunah champion lai Aryna Sabalenka chu a chung berah a awm dawn a, world number 1 a ni bawk. Sabalenka dawtah hian Swiatek a awm thung ang a, chumi hnuiah chuan tualchhung nula hriat hlawh Gauff a awm thung dawn a ni.