NE United-in final an lut

Asia rama football inelna upa ber Durand Cup semifinal hmasa zawkah NorthEast United-in Shillong Lajong 1-0 in an hneh a, goal awmchhun hi minute 36-naah Redeem Tlang-a'n a khung. Shillong tlangval Redeem hi Shillong Lajong aṭanga bul ṭan a ni a, a larchhuahna club laka a khung avangin a goal khung pawh hi a lawm duh lo.

Thawhlehni zan inkhel hi Jawaharlal Nehru Stadium, Shillong-ah khelh a ni a, entu 14,911 pungkhawmin inkhel pawh a nung ṭha hle. NE United-ah Lalrinzuala'n bul a ṭan a, Lalbiakdika a bench-ah a awm thung.

NE United hi champion lai an ni a, final-ah nizana Diamond Harbour leh East Bengal inkhela chak zawk nen August 23, Inrinni zan hian Salt Lake Stadium-ah an khel dawn.