Djokovic leh Alcaraz inhmachhawn thei dawn

Novak Djokovic leh Carlos Alcaraz te kalkawng a inang dawn - US Open khelh dan tur pawh a ni a, player ropui pahnihte hi final an thlen hmain an inhmachhawn thei dawn a ni.

Grand Slam vawi 24 champion tawh Djokovic-a'n a bul ṭan nan Learner Tien a hmachhawn dawn, a chak chho zel a nih chuan semifinal-ah Alcaraz nen an intum ang - Spanish star hian match hmasa berah Reilly Opelka a tum thung ang.

Tun hmain Djokovic hian Alcaraz hi vawi nga a lo hneh tawh a, ṭum thum chu a chak lo zawkah a ṭang ve bawk. Kumin tir lam khan Australian Open quarterfinal kha an intawn hnuhnung niin Novak hi a chungnung zawk.

Champion lai Jannik Sinner-a bul ṭanna tur chu Vit Kopriva a ni thung - world number 1 Sinner hi tournament a khelh hnuhnung berah damlohna vangin a inlan tluan thei lo a, US Open erawh ṭha taka khelh theih a inbeisei a ni.

Tennis season khat chhungin Grand Slam pali an khel ṭhin, kuminah Australian Open, French Open leh Wimbledon an khel tawh. August 24 aṭanga September 7 chhungin New York khawpuiah US Open an khel leh ang.