Kum 14 miin United training zawm dawn

Manchester United naupang JJ Gabriel chuan Ruben Amorim-a kaihhruai first team squad zingah training a nei dawn a, mah se Gabriel hi kum 14 mi chauh a nih avangin FA Youth Cup pawh a la khel thei lo thung.

Gabriel hian theihna sang tak a neih avangin United pawhin an chelh theih nan hma an la nasa a, technical director Jason Wilcox hmalakna zarah Old Trafford-a cham zel turin thutlukna a siam tawh.

Inrinni khan Man United hian Premier League U18-ah Everton 1-0 in an hneh a, hemi ṭum hian Gabriel hi khelin amah aia lian leh kum upa zingah pawh a theihna hmuh theihin a awm. Man United-in Arsenal an hneh loh ṭum khan director box aṭangin inkhel a en a, Amorim nen pawh Carrington training ground-ah an inhmu tawh a ni.