Match hmasa berah Ten Hag chak lo

Erik ten Hag chuan Bundesliga zinkawng a zawh ṭan a, a match hmasa berah Bayern Leverkusen chu TSG Hoffenheim lakah 2-1 in a tlawm pui, a beisei ang result ṭha a nei nghal thei lo.

Manchester United manager hlui Ten Hag-a naute hian bul an ṭan fuh zawk, minute rukna lekah Jarell Quansah hmangin goal an khung a, mahse mikhual lamin Fisnik Asllani hmanga an sut bakah Tim Lemperle chuan chakna goal a khung.

Dutch manager Ten Hag chuan, "Tawnhriat ka lo neih tawh aṭangin, hlawhtling tur chuan thawhrim hmasak a ngai. Leverkusen-ah pawh hian thawhrimna hmanga bul kan ṭan a ngai dawn," tiin a sawi.

Inkhel dangah Borussia Dortmund chuan goal hnihna hma an hruaina an hum thei lo a, an mikhualna hmunah St. Pauli nen 3-3 in an inhnehtawk.