Johnny Walker hmaah Zhang Mingyang a tlawm

Inrinni tlai khan UFC fight night chu Shanghai Indoor Stadium, Shanghai, China-ah neih a ni a, China chhuanvawr Zhang Mingyang chuan an khawtual mipui hmaah hnehna chan ngei tum mah se, Brazilian fighter rothap Johnny Walker hmaah a tlawm.

Walker hian round hnihna lekah technical knockout hmangin Zhang hi a tlawm a, MMA-a vawi 12 zet a zawna a chak hnua an khawtual ngeia a tlawm hi Chinese fighter tan chuan a na vawng vawng ang - vawi 26 fight a hmachhawnah vawi sarih a tlawmna a ni a, vawi 19 a chak tawh.

Kum 33 mi Walker tan vawi 32 fight a hmachhawna vawi 22 a chakna chiah a ni a, vawi kua a tlawm tawh thung. Shanghai-a neih inelnaa co-main event-ah Aljamain Sterling chuan unanimous decision-in Brian Ortega a hneh ve bawk.