Hmeichhe wushu inelna hlawhtling

Mizoram Wushu Asso-ciation buatsaih Asmita Khelo Wushu Women's Mizoram Championship chu nimin khan zawh a ni a, Jeje Lalpekhlua, MLA chu khuallian niin C. Lalremsanga chu khual zahawm a ni thung.

Tun ṭum inelnaa hian veng leh school hrang hrang aṭangin wushu fighter 112 an inziaklut a, inelna boruak pawh a nung ṭha hle. Khuallian Jeje chuan, "Wushu infiamnain hma a sawn zel hi a lawmawm a, National Games neih zawh taka Wushu-in Mizoram tana medal in la hi a ropuiin a lawmawm hle a ni," tiin a sawi.

Mizoram Wushu Association-in hmeichhe wushu inelna hlawhtling taka an buatsaih theih chu lawmawm an ti a, November thla hian MSSC Golden Jubilee pualin Mizoram State Championship buatsaih leh tum a ni.