India squad-ah Lza leh Valpuia

Khalid Jamil chuan India coach a nih hnua a squad hmasa ber chu nimin khan a puang a, Mizo pahnih an tel - Mizoram player lang pahnihte hi Lallianzuala Chhangte leh Hmingthanmawia Ralte (Valpuia) te an ni.

Blue Tigers hi August 29 aṭanga khelh ṭan tur CAFA Nations Cup-ah an inlan dawn a, mahse, AFC Champions League Two khel tur Mohun Bagan chuan an player-te an chhuah zalen ve duh lo.

Nations Cup hi FIFA international break-a khelh tur a nih loh avangin AIFF-in tih theih a nei lo a, a tira probable squad-a tel, Vaivakawn tlangval Lalengmawia Ralte (Apuia) pawh Bagan-in chhuah an phal loh avangin squad-ah a tel lo.

Tajikistan leh Uzbekistan ten an inthlen ṭawm tur CAFA Nations Cup-ah hian India hi group B-ah awmin, Tajikistan (August 29), IR Iran (September 1) leh Afghanistan (September 4) te nen an inhmachhawn dawn.

Nations Cup-ah hian team pariat an inel dawn a, team pariatte hi group pahnihah ṭhen niin, a sang pahnihin final an khel ang a, pahnihna ve veten pathumna dinhmun an inchuh bawk ang.

India squad

Goalkeepers: Amrinder Singh (Odisha FC), Gurpreet Singh Sandhu (Bengaluru FC), Hrithik Tiwari (FC Goa).

Defenders: Chinglensana Singh (Bengaluru FC), Hmingthanmawia Ralte (Mumbai City FC), Rahul Bheke (Bengaluru FC), Sandesh Jhingan (FC Goa), Anwar Ali (East Bengal), Roshan Singh (Bengaluru), Muhammed Uvais (Punjab FC)

Midfielders: Ashique Kuruniyan (Bengaluru FC), Mahesh Singh (East Bengal) Danish Bhat (Kerala Blasters), Nikhil Prabhu (Punjab FC), Rahul Kannoly Praveen (Odisha FC), Suresh Singh (Bengaluru FC), Udanta Singh (FC Goa), Jeakson Singh (East Bengal), Boris Singh (FC Goa)

Forwards: Irfan Yadwad (Chennaiyin FC), Lallianzuala Chhangte(Mumbai City FC), Vikram Partap Singh (Mumbai City FC), Manvir Singh Jr (Jamshedpur FC), Jithin MS (NorthEast United FC)