Serie A-ah Juventus an chak nghal

Kum 2020 hnua Serie A nomawi chawi tawh lo Juventus-in tun season-ah champion ngei an tum tih pholangin, an league match hmasa berah hnehna an chang nghal a, an mikhual Parma chu 2-0 in an hneh.

Juve tan striker thar Jonathan David chuan Juve tana a match hmasa berah goal a khung nghal. Mahse, Lille striker-in goal a khung hnuah Juve full back Andrea Cambiaso chu Mathias Lovik laka a kut a thawh avangin red card pek a ni.

Mahse, Juve-in an tuar lo - an kim loh hnu lawkah substitute Dusan Vlahovic chuan goal a khung belh a, 2-0 in Juventus an chak.

Pathianni zan inkhel ngaihven hlawh dangah Como chuan 2-0 in Lazio an hneh a, Cesc Fabregas-a enkawl team tan Anastasios Douvikas leh Nico Paz te chuan goal khat ve ve an khung.

Serie A hi kartawp khan season thar bul ṭan niin, club langsar zingah AC Milan an tlawm a, Napoli, Juve leh AS Roma chakin, Inter Milan erawh nizan khan an inlan a, an result kan hre hman lo.