Hungarian Grand Prix-ah Marquez a chak

Pathianni zana tlan zawh tak Hungarian Grand Prix-ah Marc Marquez a chak ber a, bike intlansiakna sang ber MotoGP a champion turin kawng dik a zawh chhunzawm zel.

Spanish rider hian a hmasa ber (pole) aṭangin inelna a hmachhawn ṭan a, lap tir lamah pathumnaah tlak hniam lai nei mah se ropui takin a tho chhuak leh a, amah ang bawka Spanish tlangval Pedro Acosta hmaah a thleng.

MotoGp champion vawi ruk ni tawh Marquez hian season kal laiah vawi 10 lai hnehna a chang tawh, point 455 hmu tawhin, amah hnaih bertu Alex Marquez aiin point 175 tehmeuhin a sang zawk, a champion leh dawn tia sawi ngam a ni tawh.