Bayern-in chakin season bul ṭan

Bundesliga-in thlasik chawlh an neih hnuah January 2, Inrinni khan inelna an ṭan. Champion lai Bayern Munich-in Pathianni zan khan Mainz 5-2 in an hneh a, Borussia Dortmund-in Wolfsburg 2-0 in an hneh ve bawk.

Allianz Arena-ah mak takin Mainz-in goal an khung hmasa zawk a, mikhual hian first half-ah Jonathan Burkardt leh Alexander Hack te hmangin 2-0 in hma an hruai.

Second half-ah erawh team ṭha danglamna a lang a; Joshua Kimmich, Leroy Sane leh Niklas Sule ten goal khat ṭheuh an khung bakah an thiampuipa Robert Lewandowski-a'n goal hnih a khung.

Hansi Flick-a hote match thum a zawnin an chak a, match 12 chhung hneh loh an tawng tawh lo.