Eli Manning a chawl ta

New York Giants quarterback Eli Manning chuan American football a chawlhsan thu a puang ta a, a professional career-a kum 16 hun a hman chhungin New York ­Giants tan chiah a khel a ni. Kum 39 mi Manning hian kum 2008 leh 2012 khan Super Bowl nomawi a chawi a, New England Patriots ve ve an hneh - Super Bowl pahnihah hian most valuable player-ah an thlang ve ve.

Manning hi NFL chanchina Super Bowl-a vawi hnih MVP ni thei panga zinga mi a ni a, amah ang thoa quarterback Joe Montana, Bart Starr, Tom Brady leh Terry Bradshaw te chuan he dinhmun hi an lo luah tawh. 

Giants chairman Steve Tisch chuan, "Giants zinga mi lian ber a ni reng dawn a, he team leh mipuite tana a hnathawh zawng zawngah khan kan lawm takzet a ni," tiin an legend chu a thlah. Manning hian passing yards 57,023 leh passing touchdowns 366 a nei thei a, regular-season game 236 (234 starts) leh 248 game-a khelh chu Giants record a ni a, tun season-ah erawh hmun a chang tam tawk lo. Giants president John Mara-a'n, "Khelmual pawn leh chhungah kan nihphung a pholang a ni," tia a fak Manning hi tun season-ah Daniel Jones thachhang dawltu ang leka hman a ni a, match thumah chiah bul ṭanin playoff an thleng zo lo a ni.