Zo United leh Ramhlun N an la him lo

Mizoram Premier League Season 5-ah relegate tur a la chiang lo a, table mawngphaha awm Zo United-in match li chhung a zawna an chak loh hnuah Ramhlun North nen 2-2 in an inhnehtawk.

Thawhṭanni zan Lammuala inkhelah MPL kaitharin Onyea--ma Francis hmangin minute 10-na lekah hma hruai mah se Zo United-in Jessy Laldinpuia leh Lalnunsanga (Tale-a) te hmangin first half-ah an chhanglet. Second half-ah Ram--hlun North-in harhtharna an chang nachungin subsitute David Lalrinchhana goal bak an khung belh tawh lo.

Ramhlun North-in point 12 hmuin table-ah parukna din-hmun hauh mah se nizan in-khelah Chhinga Vengin league hmahruaitu Bethlehem Vengthlang an hneh a nih chuan table-ah pasarihnaah an tawlh thla thei ang.

Goal thum phawt

Ramhlun North-in an game siamtu midfielder Zosangliana Sailo (Chhaia) damloh vangin an chhawr thei lo a, tlarhnung bang rinawm C. Ramdinmawia damloh vangin a inlan thei lo bawk. Starting eleven-ah Nigerian forward Onyeama Francis awm bawk mah se inkhel bul ṭantu zingah MPL-a tawnhriat nei ṭha pathum chiah an dahluh avangin Lalruatliana Sailo hote tan point thum hmuh a harsa dawn tih a hriat theih.

Amaherawhchu minute 10-na lekah Zo United defender Mal-sawma Chhangte leh Lal-hma-ngaiha te an inrinthulh avangin Francis-a'n goal khung--na hun ṭha a nei a, Nigerian forward hian kawh zetin a pet goal. Ramhlun North ṭantu (ruhkawl chin) thawm a ring ṭha hle.

Zo United an hnual lo a, Ramhlun North captain Lal-ramthlamuana handball vanga an penalty hmuh Malsawma Chhangte-in a hlah hnuah pawh an phur tulh tulh emaw tih mai tur a ni.

Minute 31-naah Tale-a nalh taka Ramhlun North de-fender a bum hnuah a ball pet chu keeper Liansangpuia'n hmun himah dang per zo loin Jesse-a'n awlsam takin a tlawh goal.

Minute thum hnuah defender Lalnunpuia ball vawrh ṭha tak chu Lalṭhazuala'n (Puitea) um lutin, dinglam kil aṭangin Puitea hian ball ṭha a vawrh lut a, Tale-a'n hnai tak aṭangin a tauh lut. Minute 34 a nih meuh chuan Zo United-in hma an hruai tawh a, inkhel an thunun avangin Ramhlun North tan thawhchhuah ngaihna a awm tawh loah a ngaih theih hial.

Substitution Awmze nei

Second half ṭantirhah Ramhlun North-in AIFF Aca-demy aṭanga inzir chhuak Lalramzauva Khiangtea an lalut a, nikum lama Aizawl FC tana khel RZ-a hian loan hmangin MPL kai thar hi a zawm.

Luangmual tlangval RZ-a luh hnuah inkhel a dang a, amaherawhchu Zo United tana Lalnunpuia tauh goal an pawm loh avangin Ramhlun North an him.

Lalruatliana Sailo-in minute 58-naah David Lalrinchhana leh Lalmuan-awma te a luhtir a, minute khat pawh tling loah Zemabawk tlangval David hian goal ṭha zet mai a khung nghal.

Ramhlun North-in inkhel an thunun chhunzawm a, inkhel boruak a sang chho bawk. Zo United lamin goalline
aṭangin ṭum hnih ngawt goal tura ngaih an dang a, red card hmuh theihna tur ṭum hnihah pakhat zawk an pumpelh bawk.

Zo United defender Lal-nun-puia'n ball awm loh laiin Ramhlun North forward Francis laka chemawi lo mah se yellow card chiah pek a ni a, hun tawpa tharum thawh Jesse erawh red card pek a ni. Second half-ah Ramhlun North chungnung mah se draw hi result a âwm tak a ni a, chak phu zawk an awm bik lo.

Eng nge an sawi?

Ramhlun North coach Lal-ruatliana Sailo chuan, "Zo United hi team chhia an ni lo a, table mawngphaha an awm chhan pawh hi an vanduai a ni pakhat. Chuvangin Zo United draw hi result chhia a ni lo a, inkhel kha minute 90 chhung thlir chuan kan thunun zawkin ka hria a, second half thlir chuan kan chak lo kha uiawm tak a ni," tiin chak thei dinhmuna an ding thu a sawi.

Zo United technical director James Khamliansawma chuan, "Football-ah chuan chak tur chuan minute 90 chhung ṭan tlang a ngai a, kan player-te mentality in tun ṭumah chuan an tlin lo a ni. Ṭum hnih ngawt goal line aṭanga kan clear avangin kan vannei zawkah ka ngai. Match hnih khelh tur kan la nei a, theihtawp chhuahin kan bei ang a, kan khingpuite aiin chak kan duh zawk a ṭul ang," tiin chak duhna thinlung an mamawh thu a sawi.

Ramhlun North-in Chan-mari FC leh Dinthar FC an la hmachhawn dawn a, Zo United-in Chanmari West leh Bethlehem Vengthlang FC an la khelhpui dawn.

Tuna MPL hmahruaitu BVT hi season liam taa Mizoram Police pet tlatu kha an ni a, sea-son tawp boruak a sang nawn ang.