Murray leh Nishikori an chak nghal

Association of Tennis Pro-fessionals (ATP) ran-king-a a sang pariatte in-el-na ATP World Tour Finals khelh mekah Andy Murray leh Kei Nishikori te chuan an match hmasa ber-ah hnehna an chang nghal.

O2 Arena, London-a inkhelah world number 1 Murray chuan US Open champion hlui Marin Cilic chu 6-3, 6-2 in a hneh. John McEnroe group match dangah Japan tlangval Nishikori chuan kumina Grand Slam hnuhnung ber US Open champion Stan Wawrinka chu 6-2, 6-3 in a hneh ve bawk.

Kum 29-a upa Murray chuan, "Mipuiin min ṭawiawm ṭha em em a, an chungah ka lawm takzet. Anni tan hian theihtawp ka chhuah chhunzawm ang," a ti. Khawtual tlang-val hian court chhunga a luh dawn leh a inkhelh chhung zawng bakah a chhuah dawn thlengin mipui lawm a hlawh hle.

Seeded pangana Nishikori chuan, "Tun-kara ka thil tum hmasa ber chu ka hlen phawt a, ka inkhelah hmasawnna hmuh tur a awm avangin ka lawm," a ti. Wawrinka hian US Open-ah khan Nishikori hi a lo hneh tawh a, tunah erawh Ja-pan tlangvalin Swiss star lakah phuba a la ve leh ta.

John McEnroe Group-a awm player palite hi an inkhel kual vek dawn a, a tawpah a sang pahnihin semifinal an lut ang. Zanin dar 7:30 hian Murray leh Nishikori te an inkhel leh ang a, zan dar 1:30-ah Cilic leh Wawrinka te an inkhel leh bawk ang.