Robben-a'n Dortmund hmachhawn thei dawn

Bayern Munich chuan kartawpa Borus-sia Dortmund nen Bun-desliga-a an inhma-chhawn hunah an senior player Arjen Robben chu a inlan theih tur thu an sawi chhuak.

Pathianni zana Ne-ther-lands-in World Cup qualifier-a Luxem-bourg 3-1 a an hneh ṭumin Robben hian goal khat a khung a, mah se a tihrawl na vangain half time-ah thlak a ni.

Thu chhuah siamin Bayern chuan, "Arjen Robben hliam hi Thawhṭanni khan endik a ni a, vanneihthlak takin hliam na tak a ni lo hlauh. A malpuiah hliam tenau a tuar a ni mai a, kartawpa Dortmund nen an inkhelh hunah a inlan thei ang," tiin a sawi.

Kum 32-a upa Robben hi manager thar Carlo Ancelotti kaihhruaina hnuaih player pawimawh a ni mek a, tun season-ah a club tan hian inelna hrang hrangah match kua khel tawhin goal li a khung tawh.