Mahuma Memorial Cricket Ramhlun Venglaiin Chanmarians an ngam lo

Cricket Association of Mizoram buatsaih Mahuma Memorial Cric-ket Tournament neih mekah nimin khan Chanmarians leh Ramhlun Venglai an inkhel a, Chanmarians-in run 37-in hnehna an chang.

Chanmarians tan Lalhmangaiha chuan ball 23-a hmachhawnah run 23 siamin bul a ṭan ṭha viau a, a opening partner Lalhruaizela chuan ball 48-a hmachhawnah run 32 a siam ve bawk. Chanmarians hian over 32-ah wicket hloh vekin run 140 an tlin thei a ni.

Ramhlun Venglai bowler zingah Lalruat-fela'n over riat a vawmah run 23 chiah pea wicket nga lain Chanmarians batsman te chhaih mang-ang viau mah se an bowler chet ṭhat zanah Ramhlun Venglai batsman ten an theihna an pholang ve thei lo - over 35.3-ah run 103 chiah siama an vaia an out vek avangin Chanmarians hmaah an tlawm phah.

Vawiin chawhma dar 9:15 hian Lords CC leh Kulikawn CC an inhmachhawn leh ang.