Modric-a'n Madrid derby a thlir

Real Madrid mid-fielder Luka Modric chuan kartawpa Atletico Madrid nen La Liga match pawimawh an khelh hunah chuan har-satna nei loa a inkhelh theih a beisei thu a sawi.

Kum 31-a upa Modric chuan, "Ka dam a, derby khel turin ka inpeih tawh," a ti. Midfielder pawi-mawh inhliam a dam ta hi Real Madrid tan chuan chanchin lawm-awm tak a ni ngei ang.

Real Madrid coach Zinedine Zidane chuan tun thlatir khan Croatia chuan Modric hi a hliam a la dam chian loh avanga ko lo tura a duh thu a lo sawi tawh. Mahse, Croatia hian an ko ta tho a, Inrinni World Cup qualifier-a Iceland 2-0 a an hneh ṭumin minute 45 chhung a inlan thei tawh.

Modric hi October thla tira Borussia Dortmund nen Champions League group match an inkhelh
ṭumin a khup a hliam a, league-ah Eibar, Real Betis, Athletic Bilbao, Alaves leh Leganes te a hma-chhawn thei lo tawh a ni.