Griezmann a inhliam?

November 19, Inrinni zan Atletico Madrid leh Real Madrid te Vi-cente Calderon-ah an inhmachhawn dawn a, French forward Antoine Griezmann chu inhliam vangin Madrid Derby khel thei lo dinhmunah a ding.

Atletico Madrid for--ward Griezmann hi Zir-tawpnia France-in Sweden 2-1 a an hneh ṭumin ke vei lamah hliam a tuar a, X-ray an tih hnuah erawh a ke ruh a khawih tel lo tih hmuh a ni. France-in nizan khan friendly match-ah Ivory Coast an hmachhawn a, Griezmann erawh inenkawl turin Madrid lamah a let tawh.

Kum 25-a upa Griez-mann hian tun season La Liga-ah goal ruk a khung tawh a, Atletico tana goal khung tam ber a ni mek. La Liga-ah Lionel Messi leh Luis Suarez ten goal riat khung tawhin top scorer an ni mek a, Barcelona duo chiah hi Griezmann-a'n tun season-ah a tluk lo.

Atletico Madrid hian point 21 hmuin table-ah palinaah an awm mek a, league hmahruaitu Real Madrid hi point rukin an la pha lo.