Record-in ka rilru a kap lo - Chicharito

Mexico forward Ja-vier Hernandez chuan an ram tana goal khung tam ber Jared Borgetti (46) record tluk turin goal khat bak a mamawh tawh lo nachungin record chu a ngaih pawimawh ber a nih loh thu a sawi.

Tukin zing dar 7:35 khan Mexico hian FIFA World Cup qualifier-ah Panama an hmachhawn a, Inrinni khan United States chu 2-1 in an hneh tawh.

Bayer Leverkusen stri--ker Chicharito chuan, "Record siam chu a châk-awm a, ka rilru kap tu erawh a ni lo. Kei chuan match tina point thum hmuh zel hi ka duh dan a ni," tiin a sawi.

CONCACAF-ah team 35 zet an awm a, FIFA World Cup khel turin quota pathum leh a chanve an nei. Tunah hian fifth round an khel ṭan leh tawh a, team paruk chiah an awm tawh.

Costa Rica, Mexico, Panama, United States, Honduras leh Trinidad and Tobago te vawi hnih ṭheuh an inkhel kual ang a, a sang pathumin Russia zin theihna ticket an nei ang. CONCACAF hnuaia palina hian Asia hnuaia pangana nen FIFA World Cup khel turin inter confederation playoff an khel leh ang.