Hull City striker Keane-a season a tawp

Hull City striker Will Keane chu a khup hliam avangin thla 12 chhung zet a chawlh a ngai dawn a, tun season mai bakah season thar ṭantir thleng chu a hmel kan hmu tawh rih dawn lo tihna a ni.

Kum 23-a upa striker hian November 6-a Southampton 2-1 a an hneh ṭumin a khupah hliam a tuar a, nizan khan a hliam hi zai nghal a ni. Keane hian nipui transfer bazar-ah khan Manchester United aṭangin Hull hi a zawm a, Tigers (Hull sawina) tan match ruk a khel hman.

Hull City manager Mike Phelan chuan, "Wills-a te ang player theihna nei sang tak kan chan tur hi a pawi a, mah se a tumruhna leh huaisenna avangin tun aia ṭha zawk hian a lo kir leh dawn tih ka chiang a ni," tiin a striker chuan thla 12 zet a chawlh tur chu hnual phah nan a hman a rin loh thu a sawi.