S. Africa-in Australia sawp

South Africa chuan nimin khan innings khat leh run 80-in khan Hobart-ah Australia an sawp a, test match vawi thum khelh tura a hmasa pahnihah hnehna an chang.

Australia hian test match vawi hnihnaah hian innings hmasa berah run 85 chiah an vaw chhuak a, South Africa-in run 326 in an chhang let. Australia hi 2nd innings-ah an insiam-
ṭha chuang lo a, run 161 chauh an vuak chhuah avangin anmahni mualah an mualpho ta a ni.

November 24, Ni-ngani hian Adelaide-ah test vawi thumna khelh a ni dawn a, Australia hian series la thei tawh lo mah se match pawimawh tak a ni ang.

Australia captain Steve Smith chuan, "Test match a zawnin vawi nga kan chak ta lo a, ka zak takzet a ni," tiin an result avanga a inthiam loh thu a sawi.

Hetihlai hian Aus-tralia legend Shane Warne chuan, "Australia cricket tan hun harsa a ni. Amaherawhchu hun harsa hi ze tak tak lanna hun ṭha a ni a, an inkhelh leh hun a nghahlelh awm khawp mai," tiin twitter lamah a lo ziak thung.