Fiahna paltlangtu Coco Gauff

Coco Gauff chuan US Open 2025 a match hmasa berah fiahna a hmachhawn nghal a, inkhel hmuhnawm takah Ajla Tomljanovic chu harsa angreng takin a paltlang hram.

American nula Gauff hian ṭantu a ngah a, thawm pawh a ring. Mahse, Austrlian player Tomljanovic a ṭang thei ve tlat, darkar thum deuhthaw an inkhelh hnuah 6-4, 6-7 (2-7), 7-5 in a vannei zawkah a ṭang.

Kum 21 mi Gauff hian ni dang angin a service ṭha tawk lo, a service vawi ruk ngawt a hloh avangin siamṭhat a mamawh hle tihna a ni a, inelna a sang chho zel dawn, atan fimkhur a ngai dawn tihna a ni.

US Open leh French Open champion tawh Gauff chuan, "Vannei ila chuan set hnihnah khan chak tlang thei tur ka ni, mahse ka khingpui khan tha a thlah duh bik tlat lo, set thum kan khel hi thil mak a ni hran lo," tiin a sawi.