Player thar duh belh Allegri

AC Milan manager Massimiliano Allegri chuan squad thuam chhah a duh a, tun hma lama a hriat chian tawh Adrien Rabiot leh Dusan Vlahovic te lakluh a duh, mahse player leina tur sum an ngah tawk lo chu an buaina a ni.

Serie A season thar an match hmasa berah Milan hian Cremonese chu 2-1 in an ngam lo, club tenau zawk laka tlawm hi an tan thil zahthlak a ni, zanin dar 12:15 hian Lecce an lenchilh leh ang.

Italian chanchinbu rintlakte tarlan dan chuan Allegri hian player lak ngei a duh a, amaherawhchu Italian club hian a duh ang an laksak thei dawn em, tih erawh sawi theih a ni rih lo.

Football nipui bazar a la tawp lo, chutihrualin hun a tam tawh lo thung. Milan hian Serie A club lian dangte elphak nih an duh chuan player thar chu an lak ngei a ngaih hmel hle a ni.