Kane hoin Bayern Munich an chak

Bayern Munich a zawm hnuah Harry Kane chuan a vawi khat nan penalty a hlah a, mahse a tawpah erawh Wehen Wiesbaden 3-2 a an hnehna goal a khung tho.

Nilaini zan khan BRITA-Arena-ah German Cup fist round khelh a ni a, German champion Bayern Munich tan Kane-a goal hmahruai khung leh Michael Olise-a goal hmangin si hnih faiin hma hruai mah se, third division club Wehen Wiesbaden hian Fatih Kaya-a goal hnih hmangin an chhanglet a, 2-2 a ni.

England captain Kane-a peanlty pet chu goalkeeper Florian Stritzel chuan a lo dansak a, a hnuah a tauh lut tur leh ṭha taka a shot chu a lo dansak bawk, mahse a tawpah erawh Kane hi dan reng theih a ni lo, hun tawp hma hretin chakna goal a khung.

Bayern Munich hian German Cup hi vawi 20 ngawt la tawhin champion tam ber an ni, mahse kum 2019-20 season a an champion hnuah quarterfinal an la kalpel leh lo - Vincent Kompany leh a nauten kumuinah champion an tum dawn a ni.