Besiktas-in Solskjaer an ban

Besiktas-in UEFA Europa Conference League qualifying-ah Swiss club Lausanne an hneh lo a, tun season-ah Europe inelnaah an tel dawn lo. Turkish club hian thla riat hnu lekah manager Ole Gunnar Solskjaer an ban.

Besiktas chuan, "Head coach Ole Gunnar Solskjaer nena kan inremna chu club thuneitute thutlukna angin tihtawp a ni," tiin thuchhuah an siam. Kum 52 mi Solskjaer hian kumin January thla khan Besiktas hi a zawm a, Man United manager hian an tum ram a thlenpui lo.

Turkish Super Lig-ah Besiktas hi palina an ni a, kumin July thla khan Europa League qualifying-ah Shakhtar Donetsk hneh loin an tla. Conference League khel tur zawnnaa Lausanne an hneh leh tak loah chuan Europa inelnaah an tel dawn lo.