Mizoram captain tur Joseph Thankhuma

Cricket Association of Mizoram (CAM) hnuaia Men’s Selection Committee chuan Ranji Trophy 2025-2026 season atan Mizoram Men’s Senior Team an puang a, captain atan Joseph Lalthankhuma, Ramhlun Venglai chu ruat a ni.

India ram state hrang hrangte cricket hmanga inelna Ranji Trophy-ah Mizoram team hi plate group-ah an awm a, Ocotober 15 aṭanga November 19 chhungin phase 1 an khel ang a, nakkum January 22 aṭanga February28 chhungin phase 2 an khel ang.

A vawi khat nana Mizoram senior team captain tur Joseph Lalthankhuma chuan, "Senior player karah mawhphurhna lian tak ka chungah nghah a ni a, Pathian leh ka teammate bakah coaching staff zarah ṭha taka ka hlen chhuah theih ngei ka beisei, chona hautak leh phurawm tak a ni dawn," tiin Vanglaini a hrilh.

Mizoram senior team hian Syed Mushtaq Ali Trophy leh Vijay Hazare Trophy te pawh khelh tur an nei a, heng tournament atan erawh hi chuan squad a hrana puan leh tur a la ni thung.