Xavi Simons-a'n Spurs zawm hnai

RB Leipzig attacking midfielder Xavi Simons chu Chelsea nen rei tak sawi zawm ni mah se, Tottenham Hotspur a zawm dawn a, English club hian a man atan pound maktaduai 51.8 pek an rem ti tawh.

Netherlands interna-tional hian medical pawh a nei fel vek tawh a, he thuziak i chhiar chuan Spurs player a ni tawh hial ang - mimal thilah pawh an inrem vek tawh.

Kum 22 mi Simons hian Paris Saint-Germain aṭanga a professional career ṭanin, PSV Eindhoven tan pawh a lo khel tawh a, season hman zawh takah khan Leipzig tan match 33-ah goal 11 khungin, assist vawi riat a nei.

Chelsea chuan Simons hi transfer bazar inhawn rual khan an lo dawr tawh a, mahse, London club hian Manchester United aṭangin Alejandro Garnacho chu £40mtd-in an la lut dawn ta zawk.

Spurs hian nipui transfer-ah Nottingham Forest attacking midfielder Morgan Gibbs-White leh Crystal Palace forward Eberechi Eze lakluh an tumna chu an lo hlawhchhampui tawh a, mahse, Simons hma hian Bayern Munich aṭangin Joao Palhinha leh West Ham aṭangin Mohammed Kudus an la lut thung - zanin dar 7:30 hian Bournemouth an mikhual ang.