Crystal Palace an tlang

UEFA Conference League playoff-ah Crystal Palace chuan Fredrikstad an paltlang a, league round khel turin Premier League club hi an tling nghal a ni.

Ningani zan khan Palace hi Nye Fredrikstad Stadion-ah an lenglut a, goal awm lo 0-0 in an inhnehtawk. An intawn hmasakah Jean-Philippe Mateta-a goal khat hmangin Palace hi 1-0 in an lo chak tawh, an tlang phah ta a ni.

Crystal Palace manager Oliver Glasner chuan, "Group stage kan thleng hi thil lawmawm tak a ni. Season kan ṭan dawn khan thil tum lian tak pahnih kan nei, a hmasa zawk chu Community Shiled kha a ni a, kan tihlawhtling - tunah pakhat zawk a hlawhtling leh ta chiah.

"Hmabak hlen chhuak vek erawh kan la ni lo, tunah hian inelna tak tak chu a inṭan chho dawn," tiin a sawi a, a naute chu inelna hautak hmachhawn turin a ringtawk tih a sawi bawk.

Palace hian Pathianni zan dar 11:30 hian Premier League an khel zui leh dawn, khualmualah Aston Villa an lenchilh dawn a ni.