James hoin Lakers an chak

Nimin zing NBA inkhelah champion lai Los Angeles Lakers chuan harsa takin hnehna an chang hram. Lakers tan hian LeBron James leh Anthony Davis te chuan point 26 ve ve neiin an team hi Memphis Grizzlies lakah 94-92 in hnehna an chanpui.

James-a'n rebound vawi 11 a lak bakah assist vawi sarih a nei bawk a, tun hnaiah a zawna vawi li an chak theih nan a thawh hlawk hle. Memphis lamin fourth quarter khelh dawnah 71-67 in hma hruai mah se minute li chauh awm tawhah hmahruaitu an inthlak a, team ṭha zawk an chak.

Western Conference inkhel dangah hmahruaitu Los Angeles Clippers chu San Antonio Spurs lakah 116-113 in an chak lo a, tun regular season kal laia vawi ruk chak tawh Lakers chu hmahruaitu an ni.

Inkhel dangah Brooklyn Nets pawhin Utah Jazz chu 130-96 in an hneh. Nets hian coronavirus inkaihhruaina vangin Kevin Durant an chhawr thei lo. An thiampuipa tel thei lo mah se Kyrie Irving chuan point 29 neiin a team a chakpui.