Mizoram jr basketball team-in Ludhiana an pan

75th National Junior Basketball Championship khel turin coach KC Lalliantluanga kaihhruai Mizoram team an inpeih tawh. August 29, Zirtawpni khan inelna neihna hmun tur Ludhiana, Punjab panin Aizawl an chhuahsan.

Mizoram coach KC Lallintluanga chuan, "Mizorama ṭha ber kan hruai a, team dang dinhmun tur kan hriatthiam loh avangin kan dinhmun tur ka la sawi thiam lo. Mahse, Mizoram tan theihtawp kan chhuah dawn," tiin Vanglaini a hrilh. India ram pum huap basketball inelnaah hian Mizoram hi sub junior inelnaah an champion tawh a, junior inelnaah erawh an la champion ngai lo.

Inelna hi September 2-9, 2025 chhunga neih tur a ni a, Mizoram hi group C-ah Odisha, Goa, Gujarat leh Puducherry te nen an awm ho. Mipa bikah hian team 32 telin group rukah an inṭhen a ni.