Inthlah zalen hret a ngai - Saina

Saina Nehwal chuan Badminton World Federation-in coronavirus vanga inkhaihhruaina an siam chuan harsatna a thlen thu a sawi a, player ten zalenna nei zau hret se a duh thu a sawi chhuak.

London Olympic bronze medalist Saina chuan, "Tournament khel tura kan zin chhuah hma leh, inelna neihna hmun tur kan thlen hnuah hri kan kai em tih min endik vek ṭhin a, hri laka filhim chauhin inelna kan hmachhawn ṭhin.

"Hri kan kai lo tih hriat ni mah se kan zin chhung zawng hian physio leh trainer-te nen an inhmu thei lo. Hetiang chung chuan ṭha taka khelh a harsa dawn a, thuneitu lam hian inkaihhruaina hi ennawn leh se ka duh," a ti.

Tun dinhmuna world number 20 nilai Saina hian Olympic khel tur chuan a ranking a tihsan a ngai. Infiamna khawmpui lianah hian a sang zual 16 an inlan ṭhin, hei vang hian March thla hmain tournament a tam thei ang ber a khelh a ngai dawn.