Bayern tan Luis Diaz a vul

Bayern Munich-in Inrinni zan khan Augsburg 3-2 in an hneh a, Vincent Kompany hote tan Liverpool player hlui Luis Diaz-a'n goal a khung. Bavarians hian Bundesliga match hmasa berah RB Leipzig 6-0 in an sawp a, Augsburg nen erawh nuam sain an chak lo.

WWK Arena-a inkhelah Bayern-in bul an ṭan ṭha a, Harry Kane-a'n ball vawrhluh chu minute 28-naah Serge Gnabry-a'n a tauh lut. First half injury time-ah Konrad Laimer ball pek chu Diaz-a'n a khung a, Colombian winger hian league match vawi hnihah goal hnih a khung. Chutihrualin Inrinni zan inkhela hian Diaz-a'n inkhelh ṭantirhah goal ruakah a khung lo.

Second half-ah Bayern-in bul an ṭan ṭha a, Michael Olise-a'n a thiam thil a pholang a, box chhungah rilru fim taka lalutin minute 48-naah Bayern goal lina a khung. Mikhual team hian goal nawr zui mah se minute 53-naah Kristijan Jakic-a'n siphurh a sut ṭhen a, Augsburg-in beiseina an neih phah. Minute 76-naah Mert Komur-a'n Augsburg tan a khung leh a, hun tawp lamah na takin an nawr a, Bayern an him hram.