Hojlund-a'n Italy a thleng tawh

Rasmus Hojlund-a'n Napoli a zawm dawn a, Italy a thleng tawh. He thu i chhiar meuh chuan Danish striker hian Napoli hi a zawm tawh hial ang.

Napoli hian loan hmangin Manchester United aṭangin Hojlund hi an lalut dawn a, loan-a an lak man hi euro maktaduak ruk niin a ngheta lak theih dan an a awm. Italian club hi Hojlund hi a nghet an lalut dawn a nih chuan €44mtd an sen a ṭul ang.

Italian club hian Man United player hlui Romelu Lukaku leh Scott McTominay te an nei a, Manchester City player hlui Kevin De Bruyne a nei bawk. Lukaku inhliam avangin Hojlund hi Napoli-in an mamawh a, Danish striker hian Antonio Conte hnuaiah career bul ṭan ṭhat leh a tum dawn a ni.