Tsimikas-a'n AS Roma a pan

Liverpool left back Kostas Tsimikas chuan season khat chhung loan-a khel turin AS Roma a pan - Reds hian Milos Kerkez an nei thar a, Andy Robertson a la awm bawk si avangin Tsimikas tan hmun a awm tawh lo.

Greece international hian Liverpool tan inelna hrang hrangah match 115 a khel hman a, goal khung lo mah se, assist vawi 18 neiin, a hun tam zawk chu Robertson thachhang dawltu niin a hmang.

Kum 29 mi hian kum 2020 khan pound maktaduai 11.7-in Reds hi a pan a, fans ngainat a hlawh hle. Liverpool tan Premier League, FA Cup leh League Cup (2) nomawi a chawi hman a, Champions League nomawi erawh a chawi ta lo.