A vawi khat nan Shi Yuqi a champion

Badminton world championship khelh zawh a ni a, mipa inelna huangah world number 1 Shi Yuqi a champion - inelna lian leh ngahhlutah hian nomawi a chawi vawi khatna a ni.

Shi-a hian champion lai Kunlavut Vitidsarn chu 19-21, 21-10, 21-18 in a hneh, game hmasa ber hloh mah se darkar khat leh minute 17 an inkhelh hnuah chuan a chungnung zawkah a ṭang.

Chinese tlangval Shi Yuqi chuan, "Mite chuan mimal aiin team huangah ka khel ṭha zawk niin an sawi ṭhin, mahse tunah chuan mimal pawhin ka ṭha tak a ni tih ka lantir," tiin a sawi.

Hmeichhe inelna lamah Akane Yamaguchi a champion ve bawk - Japan nula Yamaguchi hian Chinese player Chen Yufei chu 21-9, 21-13 in a hneh, hnehna chang tur hian minute 37 chhung chauh hun a hmang.