Inter Miami chak loh niah Suarez an sawi zui

Lionel Messi hoin Inter Miami an inlan a, mahse an chak lo - Leagues Cup final inkhelah Miami hian Seattle Sounders chu 3-0 in an hneh lo a, nomawi an chawi thei ta lo.

Lumen Field-a inkhelah hian Seattle Sounders tan Osaze De Rosario, Alex Roldan leh Paul Rothrock ten goal khat ṭheuh an khung - Messi leh a ṭhianten a chhanletna an nei lo a ni.

Inkhelh banah boruak sang a, striker Luis Suarez chuan Seattle Sounders coaching staff ṭhenkhat chu chil a lo chhak khum a, team pahnih player-te an buai zui bawk.

Seattle boss Brian Schmetzer chuan, "Kan khelh ṭhat leh mawina aia chanchin dang sawi zui a ngai kha pawi ka ti, kan khingpui player kha an thinrim a, khelmual leh a chhehvelah buaina a chhuak ta a ni," tiin a sawi.

Inter Miami coach Javier Mascherano erawhin a awmna hmun aṭangin buaina thlenna hmun chu a hlat deuh avangin sawi tur a nei lo tih a sawi a, buaina chu an duh bik loh thu a sawi bawk.