Chelsea-ah Guiu a kir

Chelsea chuan loan hmangin Sunderland-ah Marc Guiu an chhuahtir a, an striker thar Liam Delap a inhliam avangin kum 19 mi Spanish forward hi an ko kir.

Delap inhliam hma hian Nicolas Jackson chu loan hmanga chhuak turin Bayern Munich nen inremna an nei hman a, an inremnaah hian £69mtd-a lei zui theih dan a awm bawk.

Mahse, Delap inhliam tak avangin Munich thleng tawh Jackson hmalam hun hi a chiang leh ta lo. Chutihrualin nimin lama Stamford Bridge lama Guiu a kir leh tak avangin Jackson hian Allianz Arena lam a pan a rinawm ta tho. Nizan dar 11:30 khan transfer hun tawp dawn a, he thu i chhiar meuh chuan engkim a chiang tawh dawn.