Man United-in Lammens an la lut

Nizan khan Premier League transfer hun a tawp a, Manchester United chu transfer tawp nia thawm nei ngah ber zinga mi an ni. Ruben Amorim-a hote hi Aston Villa goalkeeper Emi Martinez nen sawi zawm ni mah se he thuziah lai hian journalist rintlak David Ornstein chuan Royal Antwerp keeper Senne Lammens nen inremna an neih thu a puang.

United hian Lammens manah hian euro maktaduai 21 an seng dawn a, medical neih zawhah nizan lam khan contract a ziak ang. Beglian keeper hian kum nga daih contract a ziak dawn.

Man United forward Antony chuan nikuma loan hmanga a chhuahna Real Betis a pan leh dawn niin a lnag a, nimin lam khan club pahnih hi €22mtd-in an inrem a, a che ṭhat dana zirin a man hi €3mtd-in a pung chho thei bawk. Hei bakah hian Man United hian sell on clause-ah 50% an la chang thei bawk ang. Ruben Amorim-a chhawr duh loh zinga mi Jadon Sancho pawhin loan hmangin Aston Villa a pan hmel bawk.