Inter Milan an chak lo

Pathianni zan Serie A inkhelah Inter Milan an chak lo. Cristian Chivu enkawl Inter hian goal khung hmasa mah se goal hnih an chhuah a, an mikhual Udinese lakah 2-1 in an tlawm.

San Siro-a inkhelah, mualneitu Inter tan Denzel Dumfries chuan minute 17-naah goal hmahruai a khung a, mikhual lamin chawlhlawk hmain Keinan Davis leh Arthur Atta te hmangin an chhanglet a, point thum hlu tak an hlawh chhuak.

Inter Milan coach Chivu chuan, "Kan khelh danah hmasawnna hmuh tur chu a awm, mahse kan duh ang result erawh chu kan sual chhuak zo lo thung, a pawi lai chu hun lo taka penalty kan chawi kha a ni a, a hnu lamah thil a harsat phah.

"Chhuanlam siam hun erawh a ni lo, hun chanve dang kan la neihah khan goal dang kan khung thei tawh tlat lo kha a pawi. International break kan nei dawn, chumi hnuah chuan team ṭha lehzual zawk nih kan tum ang," a ti.

Inkhel dangah Juventus chuan Genoa chu 1-0 in an hneh thung a, goal awmchhun hi striker ṭha Dusan Vlahovic-a'n a khung a ni. Turin club hian match hnih an khelhah hnehna an chang ve ve a, champion lai Napoli nen point ruk an hmu.