Jeremy Lin-a'n basketball khelh a chawlhsan

Taiwanese-American basketball player Jeremy Lin chuan Pathianni khan professional basketball khelh a chawlhsan thu a puang. Kum 37 mi Lin chuan, "Infiammi nih chuan chawlh hun a thleng dawn tih hi ka hria a, kum 15 chhung basketball ka khelh chhungin engtik niah emaw chuan thutlukna ka siam dawn tih ka hria. Chutichung chuan basketball khelh chawlhsan tura thutlukna siam chu a harsa takzet a ni," tiin a sawi.

Lin hi 2009 NBA Draft-ah thlan a ni lo a, an khaw club Golden State Warriors-ah bul ṭanin a lar chhuahna tak erawh New York Knicks a ni. Kum 2012 khan coach Mike D’Antoni-a'n khelhna hun a pe a, heta ṭang hian hming ka chher ṭan. Asian American zinga NBA champion hmasa ber niin kum 2019 khan Toronto Raptors tana a khelh laiin a champion.

NBA-a a khelh loh hnuah Lin hian China leh Taiwan club tan a khel kual a, a khelhna hnuhnung ber chu Taiwanese club New Taipei Kings a ni.