MPL-ah Zo United inham tâng thei dawn em?

Zo United hi Mizoram Pre-mier League season hmasa pa--thum-ah rele-gation battle aṭangin an tâl chhuak a, season liam taah erawh semifinal an thleng hial. Kuminah Reitlang FC hming pua MPL bul ṭan club hi an dinhmun a ṭha lo a, vawiin tlai dar 3:00-a Chanmari West FC an hneh lo a nih chuan Mizoram football inel-na sang ber aṭangin an tla ang.

West Warrior semifinal?

Chanmari West-in semifinal ticket nei turin point thum an mamawh a, Zo United laka point khat chauh an hlawh chhuak a nih chuan Chhinga Veng leh Dinthar FC tan thu lawmawm a ni ang.

MPL kaithar leh MPL champion hmasa ber hi Zirtawpni tlaiah an inkhel dawn a, West Warrior result azirin semifinal beiseina an nei ang.

West Warrior hian an match hnuhnung bera Chanmari FC an hneh loh zawhah coach HC Zarzoliana chuan, "Semifinal kan la lut tho ang," tiin a sawi a, MPL-a Dinthar FC champion pui tawhtu coach tan knockout stage lut chiang turin point thum a la ngai.

Chanmari West hi phase 1 aiin phase 2-ah an hmuhnawm zawk a, amaherawhchu match hnuhnung panga aṭangin point li chauh an hlawh chhuak. Goal sarih khung tawh captain Laldampuia chu tun hma zawng aiin a pawimawh lehzual dawn a, R. Laldanmawia'n goal khung a chhunzawm ṭul bawk ang.

Ṭhat dan berin

Zo United technical director James Khamliansawma chuan, "Kan tih theih chhun chu
a ṭha thei ang bera khelh a ni a, point thum khelh ngei ngei kan hmuh a ṭul. Chak ngei ngei duh mah ila Chanmari West ṭhatzia kan hriat avangin mawlmang taka goal nawr erawh kan tum lo," tiin awmze neia khelh an tum.

Table mawngphaha awm mek Zo United hian Ramhlun North laka 2-1 a hma an hruai tawh hnuah an insuttir leh a, amah-erawhchu first half tawp lama an khelh dan thlirin eng team pawh an hneh thei tih a chiang.

MPL season nga khelh tawhah kumin hi team intluk tlan ber ṭum a ni a, Zo United hi Champhaia Round 7 khelh zawhah pangana an ni.

Entu lam?

Zo United hian ṭantu an ngah lo a, an neih chhun erawh an thawm a ṭha ṭhin hle. Chanmari West erawh ṭantu nei ṭha tiha hriat ṭhin an ni a, semifinal thlen an tum a nih chuan vawiin hi khelmual chhung leh pawna
ṭhat theih dan bera inlan hun a ni.