Cavaliers an chak zel

NBA champion Cleve-land Cavaliers-in ṭha takin regular season an khel chhunzawm zel a, nimin zing khan Toronto Raptors chu 121-117 a hnehin tun season-a vawi kua nan hnehna an chang.

Quicken Loans Arena-a inkhelah a tir aṭangin Cavaliers an chungnung nghal a, quarter hmasa berah 30-25 a hmahruaiin a tawp thlengin an hawikir tawh lo. Cavs tan hian NBA Finals MVP LeBron James (28 points), Kyre Irving (24) leh Kevin Love (19) ten an thawhhlawk a, Tristan Thompson chuan re-bounds vawi 11 a la bawk.

James chuan, "Kei chuan mimal record lam hi ka ngaihtuah ber a ni lo a, kan team ṭhat theih dan tur ber hi ka ngaihtuah pawimawh ber chu a ni zawk," tiin mimal hming-
ṭhatna aiin club a dah pawi--mawh zawk thu a sawi.

Cavaliers hi Eastern Conference lamah hma-hruaitu an nih chhunzawm zel a, tukin zing dar 5:30 khan Indiana pacers an hma-chhawn leh nghal a ni.