Kan dinna ngaiah kan ding - IOC

International Olympic Committee (IOC) presi-dent Thomas Bach chuan Rio Olympic-a Russia an inlantir chungchangah thu zep leh thup an neih loh thu a sawi chhuak.

World Anti-Doping Agency (WADA) hnuaia zirchianna neituten Russia hian an sorkar hriatpuina ngeiin dan an bawh chhiha tih a chhui chhuak a, Russian athlete-te chu Rio Olympic-a inlan thei lo vek turin ngenna a siam hial. Mahse, IOC chuan an dan leh hrai zawm famkim theite tan Olympic-a inlan theih nan kawng a hawn sak a ni.

Bach chuan, "Khaw-vela mipui en leh ngaih-ven hlawh bera Russia dinhmun tur ngaihtuah kha thil harsa leh khirh-khan tak a ni a, kan thu-tlukna kha a sualah ka ngai lo. IOC chuan mi zawng zawng hi intluk tlang takin a en tur a ni a, dan bawhchhia an lo awm a nih pawhin a tisual ve lo ten an tuar loh theih dan ngaihtuah kha a ṭul a ni," tiin a sawi.

South America-a neih hmasak ber Rio Olympic-ah khan ram hrang hrang 207 aṭangin infiammi 11,-303 zet an inlan. Gold 46 latu United States chu pakhatna niin Russian hian gold 19 lain palina an ni thung.