Warriors pahnihah Awadhe chungnung zawk
Ningani zan Premier Badminton League (PBL) inkhelah Awadhe Warriors chuan tun season bika an match hmasa ber atan North Eastern Warriors chu 4-3 a hnehin bul an ṭan fuh hle.
Jawaharlal Nehru Stadium-ah Awadhe lam hian mixed doubles, men's doubles leh men's singles huangah hnehna an chang. Trump match atan men's doubles an hmang a, hemi match bikah hian 2-1 in hnehna an chang.
Awadhe hian point li hmuin pathumnaah an inhlangkai, North Eastern Warriors hi chak lo mah se an match hmasa lama an point hmuh nena belhkhawmin point sarih an nei a, pahnihna an ni.
Nizan khan hmahruaitu Chennai Superstarz leh Bengaluru Raptors te an inkhel a, result kan hre hman lo. Zanin hian Awadhe Warriors hian an match hnihna atan Hyderabad Hunters an hmachhawn leh ang.