Zo an huaisen; Chanmari 'W' an tang-ulh
Mizoram Premier League Season 2-ah Reitlang FC-in Round 14-ah Chanmari West 2-1 in an hneh a, Reiek club an him laiin West Warrior-in relegation playoff an khelh phah bawk.
Kum hnih hnuah Reitlang FC-in Zo United hming an pu tawh a, Chanmari West tan an la hnawksak reng. Nimin tlai inkhel hmuhnawm takah Chanmari West leh Zo United te 3-3 in an inhnehtawk a, result-ah club pahnih an lungawi lo ve ve. West Warrior hian semifinal ticket an la nei lo a, Zo United hmalam hun hi nizana Ramhlun North leh Chanmari FC inkhel result-in a hril ang.
Goal ruk chu
Ṭan phat aṭangin team pahnihin goal venhim aiin goal khung an ngai pawimawh a, inkhel entu tan chuan duhthusam a ni. Zo United forward Lalhlimpuia'n chance ṭha a hlah a, Malsawmdawnga'n goal khung a tumna lamah West Warrior keeper Lalmalsawma Hmar a hliam a, minute thumna lekah Lalruatpuia chu bench
aṭangin a rawn lut nghal.
Chance tam tak awm hnuah Chanmari West-in minute 19-na lekah Ramengmawia hmangin an khung a, Zo United keeper Lalvenhima leh defender Lalnunpuia ten an hna an thawk tawk lo. West Warrior duo R. Laldanmawia leh captain Laldampuia ten Zo United tlarhnung an ṭhiat hnuah Dampuia'n goal kilah tak a khung.
Minute 36-naah Malsawma Chhangte freekick pet chu Lalhlimpuia'n (Tat-a)
ṭha takin a tauh lut a, Zo United-in beiseina an nei thar.
Second half-ah inkhel a hmuhnawm a, Dampuia'n ball pet kawh tak chu keeper Lalvenghima'n khawih per mah se Malsawma Chhangte pet chhuak turin an goal lamah a khung. Darkar khat hnuah Chanmari West lamin 3-1 in hma hruai mah se goal venhim an ngaihsak loh avangin an tlarhnung a la nghing reng.
Minute 62-naah Zo United midfielder H. Malsawmtluanga freekick pet chu Malsawmdawnga'n a tauh lut a, minute 74-naah Mala freekick pet tho chu Lalnunpuia Pachuau-in tauh lut lehin an siphurh a sut. Goal chance ṭhahnem tak a awm a, goal dang luh belh loin 3-3 in an inhnehtawk.
Lawm lo ve ve
Chanmari West captain Laldampuia'n goal khat dang a khung a, offside (?) vangin pawm a ni lo. West Warrior
ṭantute referee thutluknaah an lungawi lo a, chutihrualin referee chauh dem theih an ni lo - an player-te'n chance ṭha an hlah hnem chu semifinal an la luh lohna chhan a ni.
Zo United-in lawm lohna tur an nei ve tho - handball vanga penalty an beisei chu pek an nih loh hnuah counter attack hmangin an lamah a goal phah. Subsitute R. Lalthantluanga chu box chhunga tihtluk a ni a, penalty a pek a ni lo a, Chanmari West an vannei.
Eng nge an sawi?
Chanmari West coach HC Zarzoliana chuan, "Kan khel ṭha lo a ni, ball lo lut apiangah kan talbuai" a ti a; he mi belhchhah hian, "Referee-in kan goal khung an pawm loh zel chuan kan tan tih theih a tlem... kan match hnuhnung berah erawh semifinal lut turin theihtawp kan chhuah ang," tiin inkhelh banah a sawi.
Zo United technical director James Khamliansawma chuan, "Kan hlauthawng lutuk a, inkhel ṭantirh kha kan khelh ṭhat loh phah. Amaherawhchu kan infuih a, kan chak loh chuan beisei tur kan neih tawh loh thu kan sawi hnuah kan huaisen a, point kan sual chhuak. Referee erawh ka sawisel duh lo a, amaherawhchu MPL hmasawn zel nan an ṭan a pawimawh," tiin hun chanve hnu lama an khelh danah a lungawi thu a sawi.
ZoFooty Statistics
Zo United 3 - 3 Chanmari West
ZUFC : Lalhlimpuia 36'; Malsawmdawnga 62'; Lalnunpuia Pachuau 74'
CWFC : Ramengmawia 19'; Laldampuia 32'; Malsawma Chhangte 59' (OG)
MoM : Lalnunpuia Pachuau, ZUFC
48% Ball Possession 52%
11 Shots 16
5 On Target 8
1 Yellow Cards 3
0 Red Cards 0
Powered By Rainbow Multibrand
Mobile Showroom
Tute nge inlan?
Zo United (4-1-4-1) : Lalvenghima; Vanlalruata, Lalnunpuia Pachuau, Malsawma Chhangte (Rosangzuala 90+2'), Vanlalhmangaiha; Laldinmawia (R. Lalthantluanga 44'); Lalṭhazuala, Lalnunsanga, H. Malsawmtluanga, Malsawmdawnga; Lalhlimpuia (Isak Vanlalpeka 62').
Chanmari West (4-1-4-1) : Lalmawlsawma Hmar (Lalruatpuia 3'); Racy K. Lalremmawia, R. Lalawmpuia, Toky Zomuanpuia, Vanlalzuia Hnamte; Reuben Zosangkima; R. Laldanmawia, Lalbiakhlua, Lalmuanzuala (Lalmuansanga 61'), Laldampuia; Ramengmawia.