Youth champion Thakkar

11Even Sports TTFI National Ranking Table Tennis Championship, 2016 khelh mekah Nilaini zan khan Youth final khelh a ni a, mipa inelnaah Manav Thakkar a champion a, hmeichhe inelna lamah Moumita Datta a champion thung.

R. Dengṭhuama Indoor Stadium, Mual-puia inkhelah PSPB zirlai Manav Thakkar hian harsatna nei loin West Bengal rawlthar Arjun Ghosh chu 4-1 (11-5, 9-11, 11-8, 11-7, 11-4) in a hneh a, kuminah Youth Boys title pathum a lakna chiah a ni.

Hmeichhe final-ah Datta chuan Pridar-shini Das lakah 4-0 (11-7, 11-7, 11-2, 11-6) in hnehna a chang ve bawk. Youth category-ah hian Mizo rawlthar Lalrinpuia chuan quarterfinal thleng mah se semifinal a lut zo lo.