Goa leh Mumbai an inhnehtawk

Indian Super League khelh mekah Nilaini zan khan FC Goa chuan Mumbai City an mikhual a, team pahnih hi goal khung loin an inhnehtawk. Mumbai City tan Sunil Chhetri leh Diego Forlan ten vawi tam hun ṭha nei mah se an vanneih ni a ni lo a, goal an khung thei bik lo. Goa tan AEK Athens striker hlui Julio Cesar chuan injury time-ah hun ṭha nei ve bawk mah se Bengaluru aṭanga Mumbai City zawm hlim Amrinder Singh-a chet ṭhat zan a ni a, Punjabi keeper hian ṭha takin a dan sak.

FC Goa-ah Mizo player awm lo mah se Mumbai City tan ṭum dang ang bawkin Lalhmangaihsanga Ralte chuan inkhel bul a ṭan. Lalchhuanmawia Fanai chu hliam vanga rei tak a inkhelh loh hnuah bench lamah a hmel hmuh tur awm leh tawh mah se Lengpui tlangval hian khelmual lamah erawh a hmel a la lan lo thung.

Mimal Lawmman

Emerging Player of the Match Romeo Fernandes, FC Goa

Hero of the Match Rafael Coelho, FC Goa

Zanin Inkhel Tur

FC Pune City 07:00 PM Delhi Dynamos