Chhinga Veng hmaah Chaltlang an zawr

Mahuma Memorial Cricket Tournament khelh mekah nimin khan Round khatna khelh zawh niin Chhinga Veng chuan wicket sarihin Chaltlang an sawp a, Chhinga Veng tana ball 24-a hmachhawna run 27 vaw chhuak chunga a tawp thleng dam Abhay Joshi chu player langsar ber a ni.

Chaltlang hian over 20.2-ah run 51 chiah siamin an vaiin an out vek a, Chhinga Veng bowler hmaah Chaltlang batsman te an hawihai. Chhinga Veng tan an target umphak thil harsa a ni lo a, over 7.5-ah wicket thum chauh hloh chungin hnehna an chang. Vawiin chawhma dar 9:15 hian Kulikawn leh Chanmarians te Round 2 an khelh chhunzawm ve lehnghal ang.