Tlai dar 3-ah semi final luh inchuh? Dinthar Vs Chhinga Veng

Vawiin tlai dar 3:00-ah tun hnaia harhtharna chang Dinthar FC leh Chhinga Veng FC te an inkhel dawn a, point thum hmu zawkin relegation zone an pumpelh dawn bakah semifinal luh beiseina an nei ang.

Inkhel pawimawh a ni a, inkhel hmuhnawm a nih ngei a rinawm tel bawk.

Intawnna hmasa

September 22 khan Chhinga Veng FC leh Dinthar FC te an inhmachhawn a, 3-3 in an inhnehtawk.

An intawn hmasak ṭum hian Dinthar hian point khat chiah an la hmu a, squad nei pan zawk an nih bawk avangin Chhinga Veng hi chak tura ngaih an ni. Hun tawpah erawh Lalhlu-puia Sailo kaihhruai Dinthar FC-in point khat an sual chhuak a, an result-ah Chhinga Veng an lungawi lo. Coach Lalremtluanga chuan a club hlui Dinthar FC laka point thum a hmuh loh avangin a hna aṭangin a bang hial.

Semifinal kawngkhar inhawng

Chanmari West-in nimin tlai inkhelah Zo United an draw a, hei vang hian Dinthar leh Chhinga Veng ten semifinal luh beseina an nei thar.

Chhinga Veng FC-in Din-thar hi an hneh a, an match hnuhnung bera West Warrior an hneh bawk chuan semifinal an lut ang - mi inkhelah ni loin anmahni inkhelah an semi final luh leh luh loh a innghat.

Dinthar pawhin Chhinga Veng an hneh a, an match hnuhnung bera Ramhlun North an hneh bawk chuan semifinal luh beiseina an nei ang. MPL1 champion erawh an hmalam hun an kutah a awm lo a, Chhinga Vengin West Warrior an hneh sak a ṭul thung.

An ṭha tawh

Dinthar FC-in foreigner pa-hnih defender Balogun Hammed leh midfielder Clarence Carter an lalut a, ani bakah hian forward Cho Tshering Lepcha leh goal-keeper Joseph Lalruatfela-te lalutin position tin an thuam chak.

MPL1 champion hian October thla aṭangin hneh loh an tawng tawh lo. Khelmual chhung leh pawna an chet ṭhat vangin team ṭha ber zinga mi an ni tawh. Dinthar forward Michael Lalremruata'n goal sarih a khung tawh a, Chhinga Veng tlarhnung tan ven ṭhat a pawimawh ang.

Chhinga Veng hi player chhiat lai an nei lo a, khelh fuh loh ṭum erawh an ngah hle. Tunah erawh an striker MS Dawngliana a dam ṭhat tawh avangin result
ṭha an nei tawh a, Bawngkawn tlangval hian match thumah a zawnin goal a khung tawh.

MPL kaithar tan hian Nigerian defender Emma Chigozie chu player ṭangkai a ni a, Khasi midfielder Joy Mrong Khar Raswai chu midfield khaipa a ni.

Chhinga Veng hi Dinthar aiin an squad a chhah zawk a, khelmual pawnah erawh Dinthar an au thiam zawk. Tlai lamah tu nge ṭantu nei ṭha zawk a hriat ang.

Eng nge an sawi?

Dinthar FC coach Lalhlu-pui^--a Sailo chuan, "Inkhel pawi-mawh a ni a, chak ngei ngei kan duh. Dawngtea hi player ṭha bik a nih avangin a khelh dan hi kan zir uluk hle. Chhinga Veng kan hmachhawn hunah hian veng -chhung ṭawiawmna ṭha kan ma-mawh a ni," tiin khelmual chhung leh pawna
ṭan ngaih thu a sawi.

Chhinga Veng coach Chawng--thansanga chuan, "Semifinal kan la luh theih avangin kan theihna zawng zawngin kan khel ang. Dinthar hian foreigner pahnih hi an ṭhatpui em em a, tunah chuan team ṭha tak an ni. Chutih rualin ka player-te ka ring tawk a, supporter kan neih ṭhat bawk avangin kan chak thei turah chuan ka ngai," tiin team
ṭha zawka a inngaih thu a sawi.